Motif Bathik Anyar

6 01 2010

Onok peresmian bathik mangrove. Bathik sing wernane digawe tekok kulit wit mangrove. Motife kembang pathing plungker. Pi’i mbisiki Cak Sur. “Iku koyok gambarku zaman cilikan. Lek kate nggambar kembang sepatu dadine mesthi kembang matahari. Kate nggambar sapi dadine kucing.”

Cak Sur ngincak sikile Pi’i cik arek iku meneng. Pi’i mik cengengas-cengenges. Arek iku nontoki bathik liyane. ”Sing iki koyok motif endhog ceplok. Sing iku nggarai eling peyek teri. Bathik saiki motife aneh-aneh.”

Wali Kota Suroboyo kate ngresmekno motif bathik khas Suroboyo. Ndhik lantai 2 sing nontok pameran yo akeh. Sing nontok pathing ceranguk tekok pager bates.
“Jare onok Rafi Ahmad. Rafi Ahmad kate mamerno bathik khas Suroboyo,” Ning Ya gak gelem ngalih tekok pager ndhukur.

Pendik, sir-sirane, mik mecucu. ”Mosok aku kurang nggantheng?” Pendik tambah gregeten nontoki Ning Ya gak ngreken malah ndilati es krim sing digawa kiwa-tengen. ”Atase Rafi Ahamad dienteni,” jare Pendik njiwit tangane Ning Ya.
Ning Ya kaget. Arek iku wahing. Es krim sing dicekel lugur ndhik lantai 1 bareng ambek wahinge. ”Huachiiiing!”

Ceplok. Es krim ambek wahinge pas nemplok ndhik gegere Pi’i. Arek iku kuaget onok anyep-anyep ndhik geger. Pas njenggirat ditontoki wali kota. ”Oh… ika ta Rafi Ahmad. Lagek eruh aku. Tibakno bathik Suroboyo iku nyeprot ngene? Tapi ambune kok basin.”
Pi’i gak isok ngomong. Sing nontok bingung. “Rafi Ahmad mari tabrakan ta? Kok raine malih nyepres?”

Kirimane Cak Hengki
Sidotopo, Suroboyo

http://www.surya.co.id/2009/07/04/motif-bathik-anyar.html


Aksi

Information

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s




%d blogger menyukai ini: